Prej disa ditësh vendi jonë u vizitua nga turistët skocezë, të cilët i shikoje kudo me veshjet e tyre tradicionale. Epiqendra e tyre kryesore ishte Shkodra, pasi aty u zhvillua edhe ndeshja Shqipëri-Skoci. Me veshjet e tyre tradicionale dhe pozitivitetin që përcillnin, ata arritën të tërhiqnin vëmendjen e të gjithëve. Por ata që ranë më shumë në sy janë një çift në moshë të thyer, të cilët janë tifozët më besnikë të kombëtares së tyre.
Për shkak të një sëmundje gruaja është e paralizuar dhe qëndron gjatë gjithë kohës në karrocë, megjithatë dashuria dhe përkushtimi i bashkëshortit është gjithmonë me të.
Të dy kanë marrë rrugën e largët për të ardhur në Shqipëri, për të përjetuar live emocionet e ndeshjes. Në disa foto të shkrepura nga fotografi Hektor Pustina, ata shfaqen mjaft entuziastë teksa shijojnë suksesin e Skocisë. Në momentin kur është shënuar edhe goli i skuadrës së tyre, ata janë përqafuar fort në shenjë gëzimi.
Këto foto përcjellin një mesazh të fortë, i cili tregon më së miri se dashuria për partneren dha personin e zemrës nuk njeh kufi./revistawho.com
