5 muaj më parë Xhensila Myrtezaj dhe Bes Kallaku u bënë prindër për herë të parë. Ata u bekuan me një vajzë, Ajkën, që siç është shprehur dhe Xhensila në intervistën më të fundit të saj mbush me aromë ajke të gjithë shtëpinë. Këngëtarja për herë të parë pas lindjes në një intervistë për revistën ‘Class’ ka shprehur të gjitha ndjesitë e saj si nënë dhe sa ka ndryshuar pas ardhjes së vogëlushes në jetë.
“Është magjike! Kurrë më parë në jetë nuk jam ndjerë më e plotësuar, edhe sa rëndësi i kam kushtuar panevojshmërisë në sa e sa raste. E gjithë shtëpia vjen aromë ‘Ajke’. Dhe në të vërtetë nuk ja di aspak ndjesinë nëse nuk e provon. Vajza është suksesi im më i madh. Është dueti ynë më i bukur”, – është shprehur Xhensila. Ajo ka thënë se nuk preferon të flasë shumë për të apo të publikojë fotografi në rrjete sociale, për ta mbrojtur nga të gjithë njerëzit dashakeq. “Mendoj se çdo nënë ma kupton ndjesinë protektive që unë kam! Në të ardhmen edhe mund të zbutet, por tani jam ‘kujdes kafshon’ kur bëhet fjalë për bijën time”, – ka thënë Myrtezaj. Ajo ka treguar se pas lindjes së vogëlushes janë reduktuar orët që kalojnë me Besin, pasi nuk mund të shijojnë asgjë në mungesë të saj. Xhensila ka thënë se ndihet shumë mirënjohëse ndaj familjes, Besit dhe Ajkës, që ka zgjuar tek ajo një dimension të ri dashurie dhe dhembshurie. /revistawho.com
