Na ndajnë vetëm pak orë nga fundi i 2018-s dhe është koha e duhur për të bërë bilancin e të tërë vitit. Është momenti për të treguar nëse ja kemi dalë mbanë të realizojmë qëllimet tona dhe për të vendosur objektiva të reja për 2019-n. Përveç kësaj ndoshta duhet t’i kushtojmë rëndësi edhe personave që na rrethojnë, që na i kanë bërë vitin më të bukur. Pikërisht këtë gjë ka bërë aktori i humorit, Julian Deda. Nuk ka treguar të mirat e të këqijat e vitit që po lëmë pas, por thjesht ka 10 falenderime për njerëzit më të afërt dhe në veçanti për disa grupe të caktuara. Vendin e parë në listën e falënderimeve e zë familja e tij, që për të janë pasuria dhe siguria më e madhe. Më pas në këtë listë përfshihen të gjithë miqtë dhe bashkëpunëtorët si Turjan Hyska, kolegët e Duplex, televizioni ‘Klan’ dhe sigurisht spektatorët. Më pas Juli ka falënderuar edhe të gjithë shqiptarët, që këtë vit u ngritën në protesta në kërkim të të drejtave të tyre.
https://www.instagram.com/p/BsBBHNuBxK7/
Me këtë aktori i humorit na dha dhe një mesazh shumë të rëndësishëm, duhet të jemi më shumë falënderues ndaj të gjithëve, sepse fundja jeta nuk do të kishte kuptim pa njerëzit që na rrethojnë. /revistawho.com
