Këngëtari, Chris Brown zuri faqet e para të mediave në të gjithë botën pas deklaratës së një vajze, sipas të cilës 29-vjeçari e kishte përdhunuar në një nga dhomat e një hoteli në Paris. Vetë këngëtari i hodhi poshtë akuzat menjëherë duke u shprehur i irrituar për këtë akuzë të shëmtuar.
Ditën e sotme, teksa largohej nga hoteli ku po qëndronte, Chris përshëndeti turmën dhe u shfaq i lumtur dhe i buzëqeshur. “Dashuri për të gjithë”,-u shpreh ai ndërkohë që afrohej drejt makinës së tij. Pranë këngëtarit ishte edhe e dashura e tij aktuale, Ammika Harris dhe të dy dukeshin shumë të lumtur.
Pasi akuzat u bënë publike, Brown u arrestua nga policia dhe u mbajt nga autoritet për disa orë. Kujtojmë se emri i vajzës që e akuzoi nuk është bërë ende publik. Ndërkohë në mbrojtje të këngëtarin kanë dalë fansa dhe kolegë të shumtë./revistawho.com
