Aktorja me famë botërore, Priyanka Chopra ka qenë e ftuar në emisionin e Ellen DeGeneres dhe ka folur për shumë detaje nga dasma e saj me Nick Jonas. Ajo ka thënë se dasma ishte tre ditore, por shumë familjare. “Një ceremoni indiane dhe një ceremoni perëndimore. Ndërsa një ditë tjetër ishte me zbatimin e ritualeve hindu që dasma duhet t’i ketë. Dasmat indiane janë minimumi me 1000 të ftuar, por ne donim diçka private. Patëm vetëm 200 të ftuar”,-u shpreh aktorja. Në këtë moment reagoi edhe Ellen, e cila nisi me ironitë. “Shumë intime vetëm 200 të ftuar”,-tha moderatorja.
Më tej, duke lënë të kuptohej që inati nuk i kishte dalë, Ellen tregoi që është shumë mike e Jonas, madje ka qenë ndër të parët që e ka mbështetur atë dhe vëllain e tij duke i ftuar në programin e saj, por kjo gjë nuk i siguroi një ftesë për në dasmën e shumëpërfolur. Po ju mendoni se Ellen duhet të ishte ftuar?/revistawho.com
