Këngëtarja e hitit ‘Without me’, Halsey, ka qenë në qendër të vëmendjes ditët e fundit. Për shkak të një statusi në ‘Twitter’, të gjithë filluan të mendonin se ajo po paralajmëronte shtatzëninë e saj, por Halsey i ka hedhur poshtë të gjitha këto thashetheme. 24-vjeçarja shkruajti se kishte ‘sekretin më të madh’ dhe se të gjithë do të shpërthenin kur ta dëgjonin. Pas këtij statusi, pati menjëherë reagime nga fansat e saj, duke e pyetur nëse ajo ishte shtatzënë apo jo. “Njerëzit mendojnë se statusi im i fundit është për të treguar se jam shtatzënë, që do të thotë ose jam duke shtuar peshë, ose jam duke bërë veprime më të çuditshme se zakonisht. Jam duke i bërë të dyja, gjithsesi prapë nuk jam shtatzënë”, ka shkruar Halsey duke e sqaruar situatën përpara se të merrte përmasa të mëdha. Kujtojmë se këngëtarja ka kryesuar listat e këngëve më të dëgjuara prej kohësh tashmë./revistawho.com
