Menjëherë pas publikimit të pjesës së parë të ‘Harry Poter’, aktorët protagonistë morën shumë famë. Në veçanti, jeta e Daniel Radcliffe mori një kthesë të menjëhershme kur aktori ishte vetëm një adoleshent dhe mesa duket, fama nuk ka ndikuar mirë tek ai. Gjatë një interviste për ‘Off Camera With Sam Jones’, aktori ka pranuar se e vetmja mënyrë për të përballuar vëmendjen që ai po merrte, ishte alkooli. “Kam luftuar me pjesën që kur shkoja në vende për herë të parë, pavarësisht se gjithçka mund të ishte në mendjen time, ndihesha sikur më shihnin gjatë gjithë kohës. Kur shkoja në një bar, apo një pub. Mënyra më e shpejtë për të harruar pjesën e vëmendjes, ishte alkooli. Dehesha shumë dhe pastaj mendoja që sërish do më ndiqnin për shkak të gjendjes time, kështu që vazhdoja të pija akoma më shumë”, është shprehur Daniel. Duke e kaluar vetë këtë situatë, ai ka dhënë mbështetjen e tij për Justin Bieber dhe situatën e tij të rënduar. Fatmirësisht, Daniel e kaloi këtë periudhë të jetës së tij, falë njerëzve më të afërt dhe të dashur për të./revistawho.com
