Chiara Ferragni është një ndër blogeret më me influencë në mbarë botën. Ajo është një burim frymëzimi për shumë vajza të reja dhe shpesh ndan mesazhe me ato të cilat aspirojnë që në të ardhmen të kenë të njëjtin fat si Chiara. Pavarësisht se mund të duket se blogerja ka arritur gjithçka ka dëshiruar, edhe ajo ka pasiguritë e saj si çdo njeri i zakonshëm. Së fundmi Ferragni ka publikuar në ‘Instagram’ një foto gjatë kohës së shtatzënisë së saj, në të cilën shihet me barkun e rrumbullakosur. Përkrah fotos, Chiara ka dhënë një mesazh shumë inspirues për të gjitha vajzat dhe gratë që një ditë presin t’i japin jetë një qenie njerëzore.
“Kjo jam unë, ekzaktësisht një vit më parë. Isha 36-javëshe shtatzënë, në shtëpinë e pushimit në Los Angeles, me Matin dhe Fede përkrah meje, gati për të takuar vogëlushin tim. Në atë kohë kujtoj se vendosa të mos e postoja këtë foto dhe nuk ishte sepse kisha një shenjë në pantallonat e mia të bardha. Ndihesha e pasigurt për të ndarë foto të trupit tim në këtë stad të shtatzënisë. Nuk jam gjithmonë e sigurt me veten, edhe nëse kam marrëdhënie të mirë me trupin tim, një shtatzëni është sa magjike dhe e vështirë në disa momente. Vetëm gratë që e kanë provuar mund ta kuptojnë. Tani një vit më vonë që mbaj në dorë njeriun tim të preferuar mund të them këtë gjë: trupi im, jam shkumë krenar për ty. Për të gjitha herët që ke bërë që zemra im të rrahë fort, për të gjitha herët që më ke dashur mbrapsht, edhe kur unë nuk të kam dashur mjaftueshëm. Kur je shëruar dhe më ke bërë të dua jetën çdo ditë. Mbi të gjitha që krijon jetë. Të duash trupin tënd është një proces i gjatë, por unë inkurajoj të gjithë ju t’i thoni diçka të bukur vetes suaj, sa herë që shiheni në pasqyrë. Kështu fillon revolucioni për vetëbesimin. Duaj veten tënde në fillim që të të duan dhe të tjerët më pas”, – ka shkruar Chiara. Tashmë blogerja e njohur ka krijuar një familje dhe ka treguar se është shumë e lumtur me jetën e re si nënë. /revistawho.com
