Këngëtarja e njohur Enca, ka udhëtuar drejt Kurdistanit për koncertin e parë të saj atje. Këtë herë ftesa ka qenë shumë speciale dhe këngëtarja është emocionuar shumë nga gjithë dashuria që ka gjetur mes kurdëve. Pas koncertit që u zhvillua me rastin e ‘Vitit të Ri’ Kurd, Enca zbuloi se ka marrë disa dhurata nga fansat e saj, ndër to shumë lule nga djemtë dhe dhurata më speciale nga fanset vajza. Njërën prej tyre nuk ka nguruar ta ndajë me të gjithë ndjekësit e saj. Bëhet fjalë për një kuti në formë zemre që në brendësi kishte disa foto të Encës nga fillimet e karrierës dhe deri tani.
Ndër të tjera këngëtarja ka zbuluar se e gjithë dita e sotme i është kushtuar intervistave të shumta në Kurdistan dhe takimeve me fansat. /revistawho.com
