Pak javë më parë në mediat rozë u përhap lajmi se Ermal Fejzullahu do të bëhej baba për herë të katërt. Bashkëshortja e tij, Ariana, vendosi ta mohonte lajmin, duke dashur të jenë të rezervuar deri në një moment të dytë. Së fundmi Ermali ka qenë i ftuar në emisionin “1 kafe prej shpisë”, ku më në fund ka konfirmuar se do të bëhet baba. Kur u pyet nëse thashethemet janë të vërteta ai u shpreh: “Po, është e vërtetë. Dashtë Zoti të jemi me shëndet, të jetë mirë ajo ka rëndësi”. Më pas ai ka shtuar se gjininë e fëmijës nuk e kanë mësuar ende, sepse Ariana duhet të jetë në muajt e parë të pritjes së ëmbël. Ermali ka thënë se dhe fëmijët e tyre janë shumë të lumtur, por vetëm vajza e vogël bëhet xheloze, sepse është vetëm 5 vjeçe.
Këngëtari dhe partnerja e tij janë të martuar prej vitesh dhe fryt i dashurisë së tyre janë tre fëmijët Arti, Buna dhe Era. /revistawho.com
