Priyanka Chopra, Sophie Turner dhe Danielle Jonas janë partneret aktuale të Nick, Joe dhe Kevin Jonas. Edhe pse të treja vajzat janë parë shpesh herë në shoqëri të njëra-tjetrës, shumica e fansave të tyre mendojnë se kunatat nuk kanë një marrëdhënie shumë të mirë. Megjithatë, fotoja e fundit e publikuar nga Priyanka në ‘Instagram’, i hedh poshtë të gjitha thashethemet. Priyanka, Sophie dhe Danielle duken bashkë, gati për t’u nisur në një udhëtim, të cilin kanë vendosur ta mbajnë sekret. “Më në fund, motrat #J sërish së bashku”, shkruan aktorja krahas fotos, gjë që i ka emocionuar shumë ndjekësit e tyre. Kujtojmë se vëllezërit Jonas sapo publikuan këngën e tyre të re me titullin ‘Cool’, i cili ka rezultuar i suksesshëm në vetëm pak ditë. Ashtu si më parë, me siguri dhe partneret e tyre do jenë pranë këngëtarëve për të festuar arritjen e rradhës./revistawho.com
https://www.instagram.com/p/Bv5QQkXHWuf/?utm_source=ig_share_sheet&igshid=j4omu1xpwm66
