Bukuroshja shqiptare, Adrola Dushi, e cila prej disa kohësh ka vendosur të ndjekë karrierën e saj si modele në Shtetet e Bashkuara të Amerikës, ka qenë së fundmi protagoniste e rubrikës ’25 Pyetje’ për ‘Prive’.
Gjatë intervistës, e pyetur se cila ka qenë faza më e vështirë e 26-vjeçares ajo ka rrëfyer: “Jam në një tranzicion timin. Akoma nuk di ku do jem, ku jam, çfarë do bëj, Troi, jeta ime, puna ime. E ndjej veten vetëm dhe më duhet të gjej rrugën time. Kjo është faza më e vështirë e jetës sime, realisht”. Ndër të tjera Adrola ka treguar se është shumë e lumtur që ka Troin në jetën e saj dhe se një nga gjërat që nuk fal asnjëherë është tradhtia.
Ndonëse daljet e saj publike vitet e fundit nuk kanë qenë të shumta, bukuroshja ka ditur gjithmonë të tërheqë vëmendjen e të gjithëve.
Kujtojmë se prej disa kohësh ajo vazhdon karrierën si modele në Shtetet e Bashkuara të Amerikës, ku ndodhet së bashku me djalin dhe familjen e saj./revistawho.com
