Mbrëmjen e djeshme Scott Disick festoi 36-vjetorin e lindjes në prani të të dashurës së tij aktuale, Sofia Richie dhe ish-partneres, Kourtney Kardashian. Në festën e organizuar nuk munguan as pjesëtarët e tjerë të familjes Kardashian-Jenner, Kylie, Khloe dhe Kim. Gjithashtu në të ishin të pranishëm edhe fëmijët e tyre, madje Scott i fiku dritat e qirinjve së bashku me djalin e Kim dhe Kanye, Saint.
Gjatë mbrëmjes Khloe Kardashian publikoi foto dhe video të ndryshme nga festa dhe gjithë familja Kardashian-Jenner dukej shumë e lumtur duke festuar për ditëlindjen e Scott. Madje edhe partnerja aktuale e Disick, Sofia Richie, publikoi në rrjete sociale fotografi pranë Kourtney dhe Kylie.
https://www.instagram.com/p/Bx9dgKkpx1B/?utm_source=ig_embed
Kjo tregon se Kourtney dhe Scott vazhdojnë të ruajnë raporte të mira me njëri-tjetrin dhe nuk e kanë problem të shoqërohen dhe të festojnë bashkë. Ata të dy kanë edhe 3 fëmijë nga martesa e tyre dhe kjo është ndër arsyet se pse shfaqen shpesh në shoqërinë e njëri-tjetrit. /revistawho.com
