Orgesa Zaimi është nënë e dy fëmijëve, një djali dhe një vajze, të cilët janë pranë saj në çdo moment. Sigurisht këngëtarja është pranë tyre për çdo nevojë dhe për çdo rast me rëndësi që kanë, pavarësisht angazhimeve të shumta. Këtë herë ka qenë Orgesa ajo që ka marrë një surprizë shumë të bukur. Një prej fëmijëve ka bërë një provim ku ka shkruar disa fjali për të përshkruar këngëtaren: “Mami im quhet Orgesa Zaimi. Ajo është këngëtare. Ajo këndon nëpër festivale. Unë e dua shiumë atë”. E emocionuar nga fjalët që ka lexuar, ajo nuk ka rezistuar dot pa e ruajtur një foto të cilën e ka publikuar.
Me siguri çdo nënë e kupton ndjesinë e bukur që ajo ka ndjerë. Krenaria në këto raste është shumë e madhe. / revistawho.com
