Ditën e djeshme, aktori i njohur i humorit Gaz Paja dhe partnerja e tij Ira i dhanë fund beqarisë. Dasma ishte organizuar në një ambient madhështor dhe të kuruar në detaje, por përpara se të ndodhte kjo, çifti tha ‘Po’ në tarracën e bashkisë, përpara Erion Veliaj. Si një mik i afërt i aktorit, Erioni ka menduar të jetë ai personi që do i japë Gazit këshillat e para që duhet të ndjekë në martesë. Në një postim në ‘Instagram’, kryetari i bashkisë ka publikuar disa foto nga momentet e martesës, me çiftin dhe familjarët e tyre dhe krahas fotove ka shkruar:
“Gazi, dëgjo vëllain, 3 këshilla:
1. Fjalët kyçe në një martesë afatgjate janë katër: Ke të drejtë, faji im!
2. Asnjëherë mos qesh me zgjedhjet e gruas tënde- se ti je një prej tyre
3. Mos harro kurrë, 1 qershori nuk është festa e fëmijëve, është përvjetori yt i martesës!
Të trashëgoheni vëllai im, ju duam shumë.” Ky postim është komentuar shumë nga personazhet e showbiz-it dhe ka shkaktuar të qeshura tek ndjekësit e tyre./revistawho.com
https://www.instagram.com/p/ByNtRz3BZDe/?igshid=kxupsieycmqx
