Bebe Rexha për pak muaj do festojë 30-vjetorin e lindjes, por ndryshimi i ‘prefiksit’ nuk e tremb aspak. Ajo ka folur për këtë detaj në ndarjen e çmimeve ‘CFDA’ në New York dhe deklarata që ka dhënë po bën xhiron e rrjetit.
“Jam 30 vjeç dhe e dini çfarë, shpesh gratë ndihen keq kur arrijnë këtë moshë, por unë them: ‘Shpirt, tani jam e dashur më e mirë se para 10 vitesh. Prandaj gra ndjehuni mirë për moshën tuaj sepse jeni të mrekullueshme dhe perfekte kështu si jeni”,-shprehet këngëtarja me origjinë shqiptare.
Më tej duke qeshur, Bebe ka thënë: “Menaxheri im do më bëjë fjalë, por ju e dini që ajo është e vërteta”. Këngëtarja do e festojë 30-vjetorin e lindjes në 30 gusht të këtij vitit. / revistawho.com
