Lamar Odom nuk po i ndahet Khloes dhe së fundmi çdo dalje e tij publike është e lidhur me një deklaratë për ish-bashkëshorten. I ftuar në një program për të folur për librin e tij të fundit, Lamar këtë herë bëri pjesë të bisedës vajzën e Khloes, True. “Kur ishim bashkë ajo më llastonte shumë dhe jam i bindur se njësoj sillet edhe me vajzën e saj. Disa sjellje të shkuara reflektojnë të ardhmen”,-u shpreh ish-basketbollisti.
Kujtojmë se Khloe dhe Lamar u martuan në 27 shtator të 2009-ës pas vetëm një muaji njohje dhe në 2013-ën u divorcuan. Por dy të rinjtë janë ndarë dhe bashkuar dy herë, pasi në 2015-ën, Odom kaloi një periudhë shumë të keqe shëndetësore për shkak të mbidozës dhe Khloe i qëndroi pranë. Po atë vit, pasi ish-basketbollisti mori veten, ylli televiziv u divorcua sërish. / revistawho.com
