Edhe pse prej kohësh e ka lënë karrierën e saj muzikore dhe i është dedikuar biznesit, Rezarta Shkurta vazhdon të jetë tepër aktive në rrjetet e saj sociale. Ajo publikon shpeshherë momente nga jeta e saj private, ndër to dhe dedikime bashkëshortit të saj, Ermal Hoxha. Së fundmi, ajo ka emocionuar të gjithë ndjekësit e saj me një urim tepër romantik ndaj bashkëshortit, i cili ditën e sotme feston ditëlindjen e tij. “Çdo mbrëmje, vë kokën në jastëk, kujtoj ditën që kalova dhe e vetmja gjë që më del nga shpirti është të falenderoj zotin që të solli në jetën time.. Nuk e di a e meritoj energjinë e pastër që më dhuron pa kushte, nuk e di a të meritoj ty, i cili je gjëja më e bukur që mund të më ndodhte. Gëzuar ditën e lindjes gjysma ime. Të dua në çmenduri”, ka shkruar Rezarta në foton ku shfaqet krah Ermalit. Edhe pas 15 vitesh, duket se marrëdhënia e Ermalit dhe Rezartës vazhdon të jetë si në ditët e para të njohjes./revistawho.com
