1 vit pas dasmës mbretërore zbulohen sekretet, Princi Philip nuk ka qenë dakord për martesën e Harry dhe Meghan

Në maj të vitit të kaluar Meghan Markle dhe Princ Harry kurorëzuan dashurinë e tyre me martesë. Lidhja mes tyre në hapat e parë nuk është pëlqyer shumë, sepse  Meghan është amerikane. Siç duket edhe Princi Philip fillimisht nuk ka qenë aspak dakord për këtë gjë, duke qenë se Markle asokohe punonte si aktore. “The Sun” ka raportuar se Philip i ka thënë Harry-t se askush nuk martohet me aktoret, por Harry nuk e ka marrë aspak parasysh këtë këshillë. Megjithatë sot Duka i Sussex dhe Duka i Edinburgh vazhdojnë të kenë një marrëdhënie të fortë me njëri-tjetrin. Madje javën e kaluar Harry dhe Meghan i uruan Princit Philip ditëlindjen në profilin e tyre zyrtar në ‘Instagram’. Duka i Edinburgh ishte ndër personat e parë që u shfaq në një foto me fëmijën e çiftit të njohur mbretëror, Archie. Gjithashtu në ditën e martesës së Harry dhe Meghan ai i surprizoi të gjithë me prezencën e tij, pasi edhe pse ishte në gjendje jo të mirë shëndetësore nuk mungoi në ceremoni.  /revistawho.com