Dy ditë më parë Bes Kallaku dhe Xhensila Myrtezaj festuan 1-vjetorin e lindjes së vajzës së tyre të vetme, Ajka. Çifti i njohur i showbizit kishin organizuar një festë të madhe në një nga restorantet më të mira në vend dhe kishin ftuar gjithë të afërmit dhe miqtë për të festuar datën e shënuar në jetën e tyre. Për 1-vjetorin e saj Ajka duhet të ketë marrë dhurata të shumta, por me siguri më e veçanta duhet të ketë qenë ajo e mami Xhensilës dhe babi Besit. Ditën e sotme aktori i humorit ka zbuluar për të gjithë se çfarë dhurate i kanë bërë vogëlushes së tyre për përvjetorin e parë. Besi ka publikuar në ‘Instagram’ një foto me një qen, i cili këtej e tutje do të jetë miku besnik i Ajkës. “Dhurata jonë për Ajkën”, ka shkruar Besi bashkangjitur fotos.
Në fakt blerja e një qeni si dhuratë për ditëlindjen e parë është kthyer si një lloj tradite, që ka nisur nga vendet e huaja, sepse këto kafshë kanë një impakt shumë pozitiv tek fëmijët. Arsyet për blerjen e një qeni janë të shumta, sepse ata ndihmojnë në ruajtjen e shëndetit të mirë, janë të kujdesshëm, ndihmojnë në rritjen dhe zhvillimin e aftësive të një fëmije dhe i ndihmojnë ata të kontrollojnë sjelljet e tyre. /revistawho.com
