Majk është mjaft aktiv në rrjete sociale, të cilat shpesh i përdor për të përcjellë mesazhe të ndryshme. Në jo pak raste reperi ka zgjedhur profilin e tij në ‘Instagram’ për të thumbuar publikisht kundërshtarët e tij në muzikë. Shpesh ndodh që ai të flasë dhe për jetën e tij personale, duke ju referuar më së shumti marrëdhënieve me vajzat. Një pjesë prej lidhjeve të tij të dashurisë nuk kanë përfunduar mirë, ndaj shumë herë ai ka zgjedhur të ironizojë ish të dashurat përmes rrjeteve të tij. Të njëjtën gjë ka bërë dhe ditën e sotme, por këtë herë ju është drejtuar të gjitha vajzave që kryejnë ndërhyrje estetike në buzë që t’ju duken më të plota. Reperi ka publikuar në ‘Instagram’ një fotografi të një rosaku, ku bie qartë në sy sqepi i tij. Bashkangjitur kësaj fotoje Majk ka shkruar: “Si duken në sytë e mi femrat me ‘botox’ në buzë”, shoqëruar me disa ’emoji’ duke qeshur.
Nuk dihet nëse Majk ja ka dedikuar një personi në veçanti këtë mesazh, por disa mendojnë se është për ish-partneren e tij Majlinda Zekën. Kujtojmë se Majk dhe Majlinda qëndruan bashkë të lidhur për disa muaj dhe pas ndarjes erdhi në jetë fëmija i tyre i parë i quajtur Roan. /revistawho.com
