Anne Hathaway zbuloi pak ditë më parë se është në pritje të fëmijës së dytë. Me anë të një mesazhi prekës ku i bënte thirrje nënave të ishin të duruara pasi asgjë nuk është e lehtë, aktorja ka zbuluar të tjera detaje rreth pritjes së ëmbël. E ftuar në një intervistë për ‘Associated Press’ ajo rrefeu: “Ka shumë femra që vuajnë shumë për të mbetur shtatzënë. Momenti final është i bukur, por dhimbja për të arritur deri aty është realisht e fortë. Unë e kam përjetuar. Atë ndjesi vendosa ta shpreh me fjalët e mia tek ai njoftim pasi e dija që diku, dikush do ndihet keq që nuk është në vendin tim”.
Kujtojmë se Anne është e martuar me Adam Shulman dhe ka një djalë 3 vjeç me të, ndërkohë që pret edhe një fëmijë të dytë. / revistawho.com
