Madonna është 60 vjeçe, por duket se mosha për të është thjesht një shifër. Së fundmi këngëtarja e njohur i ka habitur të gjithë me elasticitetin e trupit të saj, që është i krahasueshëm me atë të një vajze të re. Madonna ka publikuar një video në të cilën shihet duke stërvitur këmbët gjatë kohës që qëndron e përqëndruar duke shkruar diçka në telefon. Videoja është realizuar gjatë provave për koncertin e saj të turneut “Madame X”. Bashkangjitur videos Madonna ka shkruar: “Madame X duke u përgatitur për ditën. Prova”.
https://www.instagram.com/p/B1J_pgJBUB3/
Siç duket përveç përgatitjeve për zërin, këngëtarja i kushton një rëndësi shumë të madhe edhe fizikut të saj, duke qenë se i duhet të jetë sa më energjike në skenë. Madonna ka gati 40 vite që qëndron në krye të listës si një nga këngëtaret më të mira dhe dëshiron t’i provojë publikut se pavarësisht kohës që kalon ajo vazhdon të jetë “mbretëresha e pop-it”. Debutimi i saj i parë ka qenë në vitin 1983 me albumin “Like a virgin” që shënoi shitje rekord prej 3.5 milionë kopjesh brenda 14 javësh. /revistawho.com
