Shawn Mendes dhe Camila Cabello prej kohësh po komentohen tashmë për lidhjen e tyre romantike, kjo pasi çifti është parë shumë herë duke u puthur apo përqafuar në vende publike. Këtë herë dyshja është parë në një bar në Kanada, pak para fillimit të turnet të Shawn. Sipas një burimi për “E!News”, Camila dhe Shawn dukeshin shumë të dashuruar dhe si një çift i vërtetë, duke mos qëndruar dot larg njëri-tjetrit në asnjë moment. Ata gjithashtu ishin parë rreth orës 2 në drekë, në kafen e quajtur ‘Le Cartet’. Sipas burimit, në lokal nuk kishte njerëz për shkak të orarit, kështu që çifti ka qëndruar në qetësi. “Ishin të qetë dhe shumë të sjellshëm”, është shprehur ai. Gjatë lidhjes së tyre, Camila dhe Shawn nuk i kanë evituar aspak kamerat në daljet e tyre publike dhe duket se po e shijojnë këtë romancë maksimum, duke e transmetuar dhe tek publiku që i ndjek./revistawho.com
