Pasi David Beckham i kërkoi të distancohej prej saj, Brooklyn ndahet nga Hana Cross

Brooklyn Beckham dhe e dashura e tij Hana Cross për disa muaj me radhë ishin në qendër të vëmendjes mediatike për shkak të lidhjes së tyre, e cila siç duket ka marrë fund. Burime pranë tyre kanë treguar për “Mail Online” se Brooklyn dhe Hana janë ndarë pas 8 muajsh si të dashuruar. Ata të dy nuk janë parë bashkë që nga 14 korriku dhe duket se modelja ka mospërfillur pushimet e familjes Beckham në Italy. Hana ka qenë pranë Brooklyn në çdo dalje të tij të rëndësishme publike si festivali i filmit në Kanë apo “Victoria’s Fashion Week”. Pavarësisht se ata vazhdojnë ta ndjekin njëri-tjetrin në rrjete sociale, Broklyn nuk ka pëlqyer asnjë postim të Hana-s që nga korrik, po ashtu edhe familja e tij. Madje dhe fansat e tyre e kanë vënë re këtë gjë dhe nuk kanë nguruar të reagojnë përmes disa postimeve në rrjete sociale. Arsyeja e ndarjes së çiftit nuk dihet ende, por gjatë muajit qershor u përfol se David Beckham i kishte kërkuar djalit të tij të distancohej nga e dashura. Për më tepër ish-futbollisti nuk ka pasur dëshirë që Hana të bëhej pjesë e eventeve të tyre familjare, por pritet që në të ardhmen të mësohet nëse David ka ndikuar në vendimin e Brooklyn për t’u ndarë. /revistawho.com