Sara Hoxha, e cila do të bëhet nënë për herë të dytë ka zgjedhur të ndajë me fansat edhe atë pjesë të vështirë që shoqëron shumë femra që bëhen nëna. Pikërisht për depresionin dhe ankthin.
Në një postim të gjatë, ajo shkruan se muajt e fundit ditët nuk kanë qenë shumë të lehta për të.
“Gjate javëve/muajve të fundit gjërat nuk kanë qenë shumë të lehta. Për shkak të gjithçkaje që po ndodh në jetën time unë kam vuajtur nga një ankth dhe depresion prenatal. Kam refuzuar të dal me miqtë e mi ose të jem shumë aktive në jetën time dhe ndonjëherë e gjej veten të vetmuar dhe të mërzitur”, shkruan ajo në Instagram.
Sara tashmë ndodhet në Capri së bashku me Lorin dhe mamanë e tyre. Vendimi për të bërë këtë udhëtim ia ka vlejtur pasi siç thotë Sara ajo ka kaluar fundjavën më relaksuese gjatë shtatzanisë së saj.
“Javën e kaluar nëna dhe motra ime me ofruan të më çonin në një udhëtim në Capri dhe është diçka për të cilën debatova duke thënë jo shumë herë. Deri në orën e fundit nuk e dija nëse do të bëja atë fluturim. Sidoqoftë, kjo ka qenë një nga fundjavat më relaksuese të shtatzënisë time. Në një farë mënyre, jeta ka një mënyrë të çuditshme për t’ju treguar qe ta bëni atë udhëtim, ta bëni atë drekë, të dilni për kafe dhe të jeni mirënjohës për atë që keni; mos e shpenzoni jetën tuaj duke pasur frikë se çfarë mund të shkojë keq. Pavarësisht nga errësira, unë jam e dashuruar dhe mirënjohës për njerëzit përreth meje, te cilet më mbeshtetin në të gjitha gjërat. Miqtë e mi, motrat e mia, nëna ime dhe më e rëndësishmja djali dhe burri im i bukur, të cilët janë përkrahesit e mi.” shkruan Sara./revistawho.com
