Komentet negative në rrjete sociale, shpesh edhe ofenduese, janë kthyer në një shqetësim të vërtetë për shumë personazhe të njohur. Nga ekrani i një telefoni është shumë e thjeshtë të gjykosh dhe të komentosh dikë, ndaj ky fenomen është përhapur kaq shumë vitet e fundit. Disa personazhe të famshëm zgjedhin t’i injorojnë njerëzit që lënë komente negative, e të tjerë nuk kanë ngurruar t’ju kthehen ashpër publikisht. Duke qenë se ky është një problem global, Bleona ka vendosur ta përdorë si temë për këngën e saj më të fundit. Këngëtarja shqiptare ka treguar se në datë 27 shtator do të publikojë projektin e ri muzikor, që do të ketë në qendër të saj komentet fyese në rrjete sociale të bëra nga personat që përdorin llogari të rreme.
https://www.instagram.com/p/B2OrEslpAyz/
Bleona ka publikuar një fotografi të saj në ‘Instagram’ dhe bashkangjitur ka shkruar: “Kënga ime e re do të publikohet në datë 27 shtator. Kam vendosur të flas për një fenomen që është bërë pjesë e jetës së çdo personi që përdor rrjetet sociale, veçanërisht personazhet e njohur. Jo të gjithë ne kemi kurajën të zbulojmë se çfarë është në të vërtetë: Një kancer digjital! Jam duke folur për komentet të mbushura me urrejtje nga njerëz të mjerë, të cilët shumicën e kohës shkruajnë nga llogari fallco duke përdorur WiFi falas. Këta dështakë nuk kanë as kurajën të përdorin emrat e vërtetë dhe kjo është e vetmja mënyrë për të justifikuar dështimin e tyre në jetë duke ju drejtuar gishtin të tjerëve, që në të vërtetë kanë punuar fort për të arritur aty ku janë! P.S: Ju fal të gjithëve, sepse nëse më ndiqni ju jeni fansa”. Kënga e re e Bleonës do të titullohet “Haters” (Urryesit) dhe këngëtarja duket se është plotësisht e bindur se nëse bëhemi të gjithë bashkë mund ta luftojmë këtë problem kaq shqetësues. /revistawho.com
