Këtë vit Stresi festoi 33-vjetorin e lindjes dhe kjo ishte një nga ditëlindjet më të veçanta për reperin. Në ditën e tij të lindjes, Stresi fitoi lirinë, pasi qëndroi për 8 muaj në burg. Tashmë prej kohësh reperi i është kthyer jetës së tij normale, të cilën duket se po e shijon plotësisht. Por pavarësisht se Stresi ndihet shumë i lumtur me veten dhe jetën e tij, duket se nuk mungojnë fjalët e personave të tjerë. Disa e cilësojnë reperin të plakur dhe Stresi ka vendosur t’ju përgjigjet të gjithëve në mënyrën më të mirë. Ai ka publikuar në ‘Instagram’ një fotografi nga palestra, në të cilën duket se është në formë perfekte fizike. Bashkangjitur fotos reperi ka shkruar: “Po thonë 33 u plak ky. Jo nuk është e vërtetë, sa ndihem është puna”.
Stresi ka shumë vite që është pjesë e skenës muzikore shqiptare dhe pavarësisht kohës që kalon duket se reperi do të mbetet gjithmonë i njëjti. /revistawho.com
