Katër muaj më parë Princ Harry dhe Meghan Markle u ndanë nga shoqata e bamirësisë, që e kishin të përbashkët me Princin William dhe Kate Middleton. Thuhej se çifti mbretëror hoqën dorë prej saj për shkak të marrëdhënies së mirë që nuk kishin me njëri-tjetrin. Por pallati mbretëror zbuloi se Harry dhe Meghan kishin marrë këtë vendim, për të krijuar një shoqatë të tyren të bamirësisë. Megjithatë duket se ata janë bashkuar sërish për një kauzë tepër të rëndësishme. Dukesha dhe Duka e Sussex janë bërë bashkë me William dhe Kate për një fushatë ndërgjegjësuese për shëndetin mendor. Në faqen zyrtare të pallatit mbretëror është publikuar një video e cila nis me Princin William që thotë: “Të gjithë e kemi parasysh atë ndjenjën kur jeta na sundon”.
Public Health England, in partnership with the NHS, have launched #EveryMindMatters to help people take simple steps to look after their mental health, improve their mental wellbeing and support others. pic.twitter.com/eAirA6pIpB
— The Prince and Princess of Wales (@KensingtonRoyal) October 7, 2019
Pas tij Princi Harry shprehet: “Ne ndihemi të stresuar, pa energj, kemi ankth apo kemi probleme me gjumin”. Më pas Meghan Markle prezanton të gjithë iniciativën, duke treguar se ka disa mënyra të thjeshta për t’u kujdesur për shëndetin mendor. Ndërsa Kate shpjegon se çfarë procedure duhet ndjekur për të përballuar stresin. Më herët vetë pjesëtarët e familjes mbretërore kanë folur hapur për problemet që ata kanë pasur me shëndetin mendor, duke treguar se janë njësoj si të gjithë njerëzit e tjerë. /revistawho.com
