“Përgjithmonë mirënjohës”, Valdrin Sahiti i dedikon fjalët më të bukura vajzës dhe mbështetësve të tij

Ditën e djeshme, stilisti i njohur Valdrin Sahiti, shënoi një sukses të ri me koleksionin e tij më të ri. Moderatorja e njohur Alketa Vejsiu organizoi një sfilatë në bashkëpunim me stilistin me krijimet e tij të fundit të fustaneve të nusërisë. Class Event dhe stilisti sollën për sytë e publikut dhe dashamirësit e punës së tyre koleksionin e quajtur “Dream Couture by Valdrin Sahiti”. Shfaqja pati një sukses të madh dhe u pëlqye shumë nga pjesëmarrësit. Ditën e sotme stilisti i ka falenderuar të gjithë me anë të një publikimi në ‘Instagram’. Në një foto ku shihet me vajzën e tij në krahë ai shkruan: “Dje e përfundova kshu, sot po e filloj. Dashnia që marr çdo ditë nga Bella, dashnia që mora mram nga njerëzit e mi, njerëzit e jetës, nga publiku për 17 vite me rradhë, sot më bëjnë më të lumtur se kurrë! Përgjithmonë mirënjohës ndaj gjërave që nuk kanë çmim”. Duket se prania e vajzës dhe dashuria mes tyre ka qenë mbështetja e tij më e madhe. Pas zhvillimit të sfilatës, Valdrini bashkë me miqtë më të mirë dhe familjen, organizoi një festë për të pritur ditëlindjen e tij, nga e cila ka ndarë me ndjekësit momentet më të veçanta.

https://www.instagram.com/p/B3kHldjnj5B/?igshid=19ns3xkoq5y56&fbclid=IwAR2lkC6BVyT4oeR4a0jdTR–GjBEwavqPcKWp1e2fu-xRVnQ-_LlKlcQ1tk