Pas thashethemeve për një lidhje të re, Maluma ndahet nga e dashura e tij

Maluma i ka dhënë fund lidhjes së tij me modelen Natalia Barulich, me të cilën ishin bashkë prej 2 vitesh. Barulich u shpreh se vazhdon ta dojë shumë Maluman, por tani ata duhet t’i kushtojnë më shumë kohë vetes dhe karrierës së tyre. Lajmi i ndarjes mes tyre erdhi pak kohë pas raportimeve se këngëtari i njohur kishte nisur një romancë të re me Winnie Harlow. Në fillim të kësaj jave burime të “Page Six” u shprehën se Maluma dhe Winnie kishin darkuar bashkë ne një restorant latin. Për më tepër modelja ishte e pranishme në koncertin “HP”, që Maluma e mbajti në New York. Sipas raportimeve ata të dy u panë edhe duke kërcyer shumë pranë njëri -tjetrit në festën e organizuar pas koncertit. Pavarësisht se disa burime pranë Malumas thonë se këngëtari është beqar, disa shenja në rrjetet sociale thonë të kundërtën. Pak ditë më parë Harlow i shprehu publikisht pëlqimin këngëtarit me një ’emoji’ në një video ku ai shfaqej duke kërcyer pa bluze. Megjithatë ende nuk dihet me siguri nëse Maluma dhe Winnie kanë nisur një lidhje, ndaj pritet të shihet në vijim se çfarë do të ndodhë mes të dyve. /revistawho.com