Gjatë muajit tetor Genta Ismajli qëndroi për disa ditë në Stamboll dhe prej qytetit turk publikoi imazhe të shumta në rrjete sociale. Si fillim u mendua se këngëtarja kishte shkuar në Turqi vetëm për pushime, por më pas u zbulua se ajo do të sillte një bashkëpunim me një këngëtar të njohur turk.
https://www.instagram.com/p/B4P7k9OBZup/
‘Prive’ zbuloi se Genta do vinte në një duet me reperin, Cezar dhe se ajo do të këndonte pak në turqisht e më pas në shqip. Mirëpo këngëtarja shqiptare nuk e konfirmoi këtë lajm, duke e lënë në dyshim emrin e artistit me të cilin ka bashkëpunuar. Së fundmi për këtë gjë ka shkruar edhe një gazetë shumë e njohur turke, “Korkusuz”. Në të i është dedikuar një shkrim Gentës dhe thuhet se këngëtarja vizitoi Stambollin për një duet surprizë. “Stambolli është një vend i jashtëzakonshëm. Në një anë është Azia, në krahun tjetër Europa… Shumë mbresëlënës, një qytet i jashtëzakonshëm”, ka thënë Ismajli për gazetën turke në lidhje me vizitën e saj në Stamboll.
Genta e ka publikuar këtë shkrim në ‘Instagram-in’ e saj dhe ka treguar se kjo gjë i ka pëlqyer shumë. Këngëtarja nuk ka shtuar asgjë për këngën e saj të re, duke e mbajtur të fshehtë emrin e artistit turk deri në momentin e publikimit. /revistawho.com
