Mbrëmjen e sotme kombëtarja e Kosovës do të përballet në një ndeshje futbolli me Anglinë. Sigurisht që kjo do të jetë një mbrëmje e mbushur me emocione, jo vetëm për ata që jetojnë në Kosovë, por edhe për të tjerë që janë jashtë vendit. Këto emocione i ka shprehur publikisht edhe Rita Ora, e cila ka treguar se sot mbështet të dyja skuadrat. “Paçi fat sot Anglia dhe Kosova, dy shtëpitë e mia!”, ka shkruar Rita në një postim në ‘Instagram’.
Këngëtarja me origjinë shqiptare ka lindur në Prishtinë, por ajo është rritur në Angli, pasi familja e saj u largua nga vendi për shkak të luftës. Megjithëse Rita ka kaluar pjesën më të madhe të jetës në Mbretërinë e Bashkuar, ajo ka treguar se nuk i harron asnjëherë rrënjët e saj, ndaj në ndeshjen e sotme emocionet për të janë të dyfishta. /revistawho.com
