Ndarja e Liam Hemsworth dhe Miley Cyrus tërhoqi jo pak vëmendjen e mediave rozë. Elsa, kunata e aktorit të njohur u shpreh në një intervistë për ‘Hola’, ditën e djeshme se Hemsworth meriton më shumë.
Kjo deklaratë duket se e ka ‘bezdisur’ deri diku yllin e muzikës pop. Burime ekskluzive pranë saj kanë treguar për ‘Hollywoodlife’ se Miley kërkon që askush mos të ndërhyjë në marrëdhënien e tyre, duke dhënë komente pa ditur se çfarë ka ndodhur mes tyre.
“Miley e di të vërtetën për marrëdhënien e saj me Liam dhe atë që ndodhi mes tyre. Ajo uron që të gjithë të respektojnë privatësinë e tyre dhe të mos flasin për të kaluarën e tyre në publik sepse ajo dhe Liam janë të vetmit që e dinë të vërtetën e plotë. Miley e kupton që ata të dy kanë familje dhe të dashur që i kanë treguar mbështetje gjatë kësaj ndarje, por nuk mendon se dikush duhet të flasë negativisht për situatën e tyre. Familja e Miley nuk ka përmendur kurrë ndonjë fjalë për Liam, dhe ajo do të dëshironte që familja e tij t’i respektonte të njëjtat kufij”, kanë treguar të njëjtat burime për revistën e njohur.
Kujtojmë se tashmë Cyrus është në një lidhje dashurie të re, me këngëtarin australian, Cody Simpson dhe publikon herë pas here foto apo video pranë tij./revistawho.com
