Për shkak të mbërritjes së koronavirusit Covid 19 edhe në vendin tonë, këto ditë kanë qenë të zymta dhe lajmet kryesore janë kryesisht mbi këtë çështje. Mirëpo disa nga VIP-at na i kanë zbukuruar ditën me lajmet e ëmbla duke sjellë dritë e shpresë tek ndjekësit e tyre. Le të shikojmë disa prej tyre më poshtë:
Këngëtarja nga Kosova Ryva Kajtazi dha lajmin e ëmbël se është shtatzënë. Këngëtarja është në pritje të fëmijës së dytë. Ajo postoi disa foto në Instagram ku shfaqej me barkun e rrumbullakosur dhe tha se kjo është dhurata më e shtrenjtë për ditëlindjen e saj.
Klea Huta konfirmoi lajmin e shtatzënisë. Moderatorja postoi një foto me barkun e rrumbullakosur dhe zbuloi se po pret një djalë. “Mos u vono të nxitosh o shpirti im”-shkruante Klea e cila po e pret plot emocion ardhjen në jetë të bebit.
Yllka Kuqi postoi foton e parë të vajzës së porsalindur. Këngëtarja ia ëmbëlsoi ditën fansave me një foto artistike ku tregonte këmbët e vogëlushes e cila erdhi në jetë muajin e kaluar. Yllka është kujdesur që të mos e shfaqë vajzën në publik.
Katy Perry është shtatzënë. Lajmin e ëmbël këngëtarja amerikane e bëri të ditur me videoklipin e saj të ri ku tregoi barkun e rrumbullakosur, e veshur me fustan të bardhë. Katy dhe partneri i saj Orlando Bloom po presim me padurim të bëhen prindër për herë të parë.
Jenna Dewan ditën e djeshme dha lajmin e ëmbël se është bërë nënë për herë të dytë, duke postuar foto me bebushin e porsalindur. “Dhe ja kështu, zemrat tona shpërthyen deri në përjetësi e më tej. Mirëseerdhe në botë ëngjëll i vogël”-shkruajti aktorja.
Bashkëshortja e këngëtarit Joe Jonas, Sohpie Turner gjithashtu është shtatzënë. Ajo është fotografuar nga paparacët me barkun e rrumbullakosur megjithatë çifti deri tani ka preferuar të mos e bëjë publik lajmin./revistawho.com
