Einxhel Shkira dhe DJ Dagz kanë treguar se edhe çiftet më të njohura mund të kenë “harresa” surprizuese, sidomos në botën virtuale. Moderatorja ka ndarë me ndjekësit një moment gazmor nga përditshmëria e tyre, i cili ka shkaktuar reagime të shumta në rrjete sociale.
Në një Instagram Story, Einxhel publikoi një screenshot të një bisede private me partnerin e saj, ku zbulohet se ata sapo ishin shtuar si miq në Facebook. Po, pas katër vitesh bashkë, martesë dhe një familje të ndërtuar, lidhja e tyre në këtë rrjet social kishte munguar.
Momenti u shoqërua me humor nga vetë moderatorja, e cila shkroi: “Po ju a ndiqeni me burrin në Facebook?!”, një pyetje që bëri shumë ndjekës të reflektojnë (dhe të qeshin).
Biseda mes çiftit vijoi me tone ironike, ku Einxhel pranoi: “Tmerr domethënë, që 4 vjet s’jemi follow”, ndërsa Dagz reagoi me shaka duke e quajtur atë “njeri i Facebook-ut”.
