Një nga gjërat më të mira kur del me dikë është të mësosh nga pak rreth tij/saj. S’ka rëndësi nëse është takimi juaj i parë apo i gjashtë, këto pyetje duhet t’ja bëni me patjetër për të mësuar më shumë.
1.A mendon se je shëruar nga e shkuara? – Duke bërë këtë pyetje do të kuptoni nëse ata e kanë kaluar një ndarje të dhimbshme, një traumë nga fëmijëria ose ndonjë konflikt në punë. Kështu do të kuptoni nëse ata janë të vendosur për të dashuruar plotësisht.
2.Çfarë qëllimesh ke për jetën? – Kjo pyetje do t’ju lejojë të mësoni se çfarë vizioni ka personi për jetën dhe nëse fejesa, martesa janë në planet e tij/saj.
3.Cilat janë frikërat e tua më të mëdha? – Të ndash frikërat dhe pikat e dobëta me dikë, do ta forcojë edhe më shumë lidhjen tuaj.
4.Kujt dëshiron t’i ngjash? – Ka ndryshim të madh mes dëshirës për t’u dukur si gjyshi dhe dëshirës për t’u dukur si LeBron James. Kushdo që ata shohin si idhull, ty do të të bëjë të kuptosh se çfarë vlerëson personi.
5.Cila është gjuha jote e dashurisë? – Me këtë pyetje do kuptoni mënyrën sesi partneri jep dhe merr dashuri: me fjalë, me prekje fizike, me dhurata, me veprime etj.
6.Ku e sheh veten pas 5 vitesh? – Kjo pyetje është perfekte pasi ju jep një ide se çfarë qëllimesh dhe ëndrrash ka personi dhe kështu mund të kuptoni nëse keni gjëra të përbashkëta.
7.Çfarë të gëzon më shumë në jetë aktualisht? – Edhe me këtë pyetje mund të kuptoni nëse ndani vlera të njëjta dhe më pas të hapni një bisedë shumë të këndshme.
8.Çfarë dëshire shprehe kur fryve qirinjtë në ditëlindjen e fundit? – Kështu do të kuptoni çfarë personi ende nuk ka përmbushur në jetën e tij dhe çfarë shpreson në të ardhmen. A shprehën dëshirën për dashuri? Për para? Për rritje në detyrë?
9.Çfarë ndodhi në lidhjen tënde të fundit që u ndatë? – Nëse ai/ajo fajëson personin tjetër, kujdes sepse kështu nuk po mban përgjegjësinë e vetë në një ndarje.
10.Si e ke marrëdhënien me familjen? – Jo të gjithë janë shumë të afërt me familjen e tyre, por marrëdhënia që ka dikush me familjen do të të ndihmojë të mësosh shumë për të. Ndonjëherë ajo që ndodh në familje, ndikon shumë në një lidhje.
