Ministria e Shëndetësisë bën të ditur se në 24 orët e fundit kanë rezultuar pozitivë 656 qytetarë, nga 2.174 testime të bëra.
Rastet pozitive të konfirmuara në 24 orët e fundit janë identifikuar në këto bashki: 131 raste në Tiranë, 78 në Lezhë, 47 në Gjirokastër, 46 në Krujë, 44 në Durrës, 31 në Vlorë, 28 në Berat, 27 në Sarandë, 24 në Elbasan, nga 22 raste në Kavajë, Përmet, 18 në Kukës, nga 17 raste në Kurbin, Lushnje, nga 16 raste në Librazhd, Gramsh, 15 në Tropojë, 12 në Pukë, 11 në Malësi e Madhe, nga 7 raste në Tepelenë, Kolonjë, nga 5 raste në Mat, Bulqizë, 3 në Korçë, 2 në Dibër, nga 1 rast në Fier, Pogradec, Delvinë, Peqin, Kuçovë.
Me gjithë përpjekjet e mjekëve, në 24 orët e fundit, kanë humbur jetën 10 qytetarë me Sars-Cov2 pozitiv në spitalet COVID: 3 qytetarë nga Tirana, 3 qytetarë nga Durrësi, 2 qytetarë nga Fieri, 1 qytetar nga Vlora, 1 qytetar nga Gjirokastër, të moshave nga 44 në 85 vjeç”, njoftoi Ministria e Shëndetësisë.
Aktualisht në 3 spitalet Covid, po trajtohen 469 pacientë. 15 prej tyre janë në terapi intensive ndërsa 4 pacientë janë të intubuar.
Në 24 orët e fundit janë shëruar 321 qytetarë, duke e çuar numrin e të shëruarve 17.352 që nga fillimi i epidemisë.
