E ka një pyetje me spec Luana çdo puntatë të “Shiko kush luan”. U kërkon të ftuarve t’i thonë emrin e një personazhi të mbivlerësuar, përgjigjet e të cilëve pothuajse gjithmonë janë bërë lajm portalesh. Dje ishte radha e Rezart Veleshnjës, që zgjodhi Gaz Pajën si aktor të mbivlerësuar, bashkë me arsyetimin se “Gaz Pajën e mbivlerësojnë se është pjesë e politikës. Politika ka pasur gjithmonë emër të pistë dhe e pastrojnë me emra të artit dhe me këtë rast e mbivlerëosjnë se duhet ta paguajnë”, tha Rezarti. Kuptohet, material për lajm edhe ky.
Por meqë të gjithë portalet e paskan kuptuar dhe trajtuar njësoj atë që tha Veleshnja, sot ai ka bërë një sqarim lidhur me termin mbivlerësim: “Mbivlerësim nuk do të thotë monetar apo artistik. Unë e kuptoj që ju ushqeheni me lajme që i ri prodhoni si të doni vetë por ajo që thashë për Gazin s’është as partiake dhe as monetare. Sa mirë që një pjesë e shoqërisë intelektuale e ka kuptuar siç ishte. Gaz Paja, lëri të delirojnë”.
Lajmi që ka nxitur kjo pyetje me spec, sigurisht që gjithmonë ka vënë në fokus të “mbivlerësuarin”, në këtë rast Gazin, i cili sipas Rezartit, e ka kuptuar drejt atë që ka dashur të thotë kolegu i tij, (si pjesë e shoqërisë intelektuale që është), pra nuk është mërzitur, dhe fundja kjo është më e rëndësishmja.
