Jennifer Lopezin po e ndjek fati i keq. Pak kohë më parë diva tregoi se ajo është detyruar prej pandemisë të shtyjë dy herë dasmën e saj me Alex Rodriguezin. J.Lo tregoi se ajo kishte planifikuar gjithçka dhe ishte entuziaste për ditën e madhe megjithatë për shkak të situatës kritike nga koronavirusi, u detyrua ta shtyjë për më vonë dasmën.
Mirë nuk po martohet në jetën reale, por J.Lo nuk po martohet dot as në film. Mediat e huaja bëjnë të ditur se filmi “Marry me” ka shtyrë datën e publikimit. Filmi me protagoniste kryesore Jennifer Lopez, do të publikohet në 11 Shkurt 2022. Data që ishte parashikuar ishte 14 Maj 2021.
Në film do të luajnë edhe Maluma dhe Owen Wilson. Lopez në rolin e Kat Valdez do të martohet në film me Bastian, rol i luajtur nga Maluma. Dyshja do të martohen para një audience fansash. Por përpara se të japë betimet, Kat mëson se Bastian e ka tradhtuar dhe martohet me Charlie, një i panjohur mes fansave, rol i luajtur nga aktori Owen Wilson.
