Në kopertinën e re për ‘Allure’, ylli i muzikës pop, Jennifer Lopez zbuloi se ajo dhe i fejuari i saj, Alex Rodriguez morën pjesë në disa terapi që lidheshin me këshillimin e çifteve gjatë pandemisë ‘Covid-19’. Ajo ka treguar gjithashtu se si dyshja ka arritur të menaxhojë jetën profesionale dhe atë familjare në një periudhë kaq të vështirë.
“Më pëlqen të jem në shtëpi. Më pëlqen të bëj takimet e mia në ‘zoom’. Më pëlqen të di se fëmijët janë atje gjatë gjithë kohës. Në të vërtetë ka qenë mirë . Ne duhet të punojmë për veten tonë. Ne bëmë terapi. Unë mendoj se ishte vërtet e dobishme për ne në marrëdhëniet tona”, pohoi Lopez.
Jennifer shtoi se ajo dhe Rodriguez u zhgënjyen që u detyruan të anulonin atë që ishte e sigurt, si ceremonia e dasmës së tyre e planifikuar për verën e kaluar, megjithatë në fund të fundit kuptuan se çdo gjë ishte për të mirën e tyre.
“Ishte një punë e madhe. Ne kishim planifikuar për muaj dhe muaj dhe muaj. Ndoshta nuk ishte koha e duhur. Më pas mendon sesi gjithçka ka llojin e tij të momentit perfekt, hyjnor”, ka përfunduar Jennifer./revistawho.com
