Data 7 maj na sjell në kujtesë ditëlindjen e shumë personazheve të njohur që sot shenjojnë momentin më të veçantë, atë kur kanë ardhur në jetë, për t’u kthyer më pas në njerëz të suksesshëm dhe emra të cilëve i foli gjithmonë puna dhe këmbëngulja.
Ikona e muzikës shqiptare, Nexhmije Pagarusha ka lindur më 7 maj të vitit 1933. Ajo u njoh përgjatë gjithë jetës së saj për talentin e pakrahasueshëm në muzikë dhe gjithë kontributin që dha në të.
Moderatorja ikonë e ‘Top Channel’, Arbana Osmani feston sot gjithashtu ditëlindjen e saj. Ky vit e ka gjetur Arbanën në ditëlindjen e 38-të, nënë të dy fëmijëve dhe bashkëjetesën e lumtur me partnerin e saj Eduart Grishaj, i cili gjithashtu feston ditëlindjen me të. Dy gëzime në një ditë në shtëpinë e dyshes që ka vjedhur zemrat e ndjekësve me raportin e tyre.
Gazetari i njohur dhe jo vetëm, suksesi i projekteve të të cilit janë prekur nga gjithkush, Eraldo Rexho feston sot 29 vjetorin. Me energjinë që e karaktereizon, ai ka mirëpritur edhe këtë ditë tejet falenderues ndaj të gjithë atyre që puna e ka ndeshur dhe ka bashkëpunuar.
Gazetari dhe analisti i njohur, Mero Baze feston sot gjithashtu ditëlindjen. Mero është kolimnisti më i mirë shqiptar dhe publicist, i shquar ndër të tjera për stilin e shkathët dhe sarkazmën që e zotëron si askush tjetër.
Gazetari i njohur i emisioneve politike, Sokol Balla, i ditëlindjes 7 maj 1973 feston sot ditëlindjen e tij. Sokol Balla është një nga shtyllat e gazetarisë shqiptare, i njohur në audiencën e gjerë për emisionet politike dhe me audiencën më të ngushtë për shkrimet dhe reportazhet. Ky vit e ka bërë Sokolin edhe baba për herë të tretë me partneren Sidrita Sadikaj.
Egerta Shehu është një vajze tjetër e talentuar e kryeqytetit që ka dalluar me punën e saj duke realizuar një sërë pamjesh tërheqëse tek personazhet e njohur dhe gjithë vajzat apo gratë plot sharm të kryeqytetit.
Një ndër moderatoret më të famshme italiane, Barbara D’urso, e ditëlindjes 7 maj 1957 feston sot 64 vjetorin. Mosha nuk vihet në asnjë moment re në pamjen e Barbara-s, e cila me elokuencën, dinamikën dhe vitet e gjata në ekran, e ka hedhur tutje efektin “kohë”.
Blogerja më e ndjekur në botë, Chiara Ferragni, e ditëlindjes 7 maj 1987 feston sot ditëlindjen. Pak javë më parë ajo u bë nënë për herë të dytë me një vajzë, Vittorian. Chiara njihet nga të gjithë për bashkëpunimet e suksesshme me sipërmarrësit me të njohur dhe linjën e saj të rrobave që mban emrin e saj./revistawho.com
