Roza Lati i ka habitur shpesh ndjekësit me setet e saj shumë kreative që publikon në ‘Instagram’. Këtë herë ajo zgjodhi të merrte një zemër njeriu të punuar artificialisht dhe e mbuluar në gjak me disa thika pranë vetes, na njohu me Rozën në versionin: “Diva e zhgënjyer nga meshkujt” që ka vrarë ish-in që e lëndoi. Por një set kaq i guximshëm erdhi me njëmijë pyetje nga pas, e për t’i dhënë fund çdo sajese dhe dyshimi, moderatorja tregoi se është e lumtur me të dashurin e saj, e dashuruar dhe seti nuk ishte dedikim.
“Zemrat e mia, shoh që jeni shumë të shqetësuar se kush më paska zhgënjyer mua në atë farë feje që unë bëra setin ‘Ta ha zemrën’. Më keni bllokuar inboxin. Po ju vë në dijeni publikisht që unë jam shumë e lumtur dhe ok me të dashurin tim. E dua vërtetë. Seti ‘Ta haj zemrën’ ishte një frymëzim kur pamë zemrën e silikonit të punuar aq reale sa thash: Wow duhet ta bëj një foto me këtë. Normal që një organ në dorë do një set të egër. Dhe parukja bjonde më çoi tek motivi i divave që kanë qenë gjithmonë të zhgënjyera nga meshkujt. Kështu që asgjë personale thjesh show. Ju dua shumë”, ka shkruar ajo për të hequr çdo dyshim.
Me këtë rast Roza, na tregoi se vazhdon të jetë e dashuruar dhe e lidhur, megjithëse nuk do ta zbulojë akoma kush është partneri i saj./revistawho.com
