Rezarta Shkurta dhe Ermal Hoxha kanë kurorëzuar dashurinë e tyre 17 vjeçare me martesë. Mbrëmjen e djeshme ata mblodhën të afërmit e miqtë më të ngushtë në një dasmë të organizuar me pamje nga deti, por gjithçka u mbajt aq hermetike sa Rezartën ende s’e kemi parë nuse. Ajo postoi vetëm disa video ku tregonte ambientin e dekoruar me të bardhë e rozë, një foto të unazës, një video ku Hera shfaqet duke kërcyer e lumtur në dasmën e mamit e babit dhe kërcimin e Ermalit me të ëmën.
Tani mezi presim që në orët në vazhdim, Rezarta të lëshojë dorën e të na shuajë kuriozitetin si dukej me fustanin e nusërisë.
