Morena Taraku ka publikuar sërish një ‘story’ dedikuar nënës së saj që e ka humbur shumë e vogël, por dashurinë dhe mallin për të nuk mundet pa e ndarë me ndjekësit e saj në Instagram. Këtë herë ajo ka rrëfyer një detaj prekës duke dhënë edhe një mesazh për audiencën.
“Nuk kisha dëgjuar kohë të gjatë erë qumështi të zier. Isha tek një shoqe dhe nëna e saj kishte vënë qumështin të ziej për ta bërë kos. O Zot për një moment më doli nëna ime përpara se kishte plot 17 vite të tëra që nuk kisha nuhatur erë të tillë në kuzhinën e shtëpisë time. Më dolën lot. Po qaja si fëmijë sepse nuk më kishte ndodhur kurrë. Se di përse desha ta ndaj me ju. Duajini nënat sepse janë bota e njerëzimit. Gjithë nënat e botës meritojnë dashuri pa fund”, ka shkruar Taraku në Instagram.
Mesa duket humbje të tilla i gërricin pak gjëra dhe për Morenën ishte pikërisht kjo.
