Aktorja turke Ozge Ozpirinci është bërë sot nënë për herë të parë. Mediat turke raportojnë se aktorja 35-vjeçare ka sjellë në jetë një vajzë ditën e sotme në orën 15:17. Nëna dhe vajza janë në gjendje të mirë shëndetësore, shkruajnë mediat turke teksa në rrjet kanë vërshuar urimet e shumta për aktoren. Ky është fëmija i parë për Ozgen dhe aktorin turk Burak Yamanturk.
Pak kohë më parë Ozge e ftuar në një emision tha se dëshiron që vajza mos të lindte nën shenjën e zodiakut Akrep. “Lutem që vajza mos të lindë Akrep. I pëlqej vajzat akrepe, por ato i bëjnë vetes shumë dëm dhe kanë mendime të errta”-tha aktorja.
Ajo zbuloi gjithashtu se dëshiron që vajzës t’ja vendosë emrin Uzum, por bashkëshorti nuk e pëlqen këtë emër prandaj na mbetet të presim çfarë ka vendosur çifti.
Ozge është e njohur për disa role në seriale ku më i famshmi është seriali “Kadin” (Grua), i transmetuar edhe në Shqipëri e disa vende të botës.
