Një ekspozitë shumë e veçantë me fokus të rinjtë dhe ndërgjegjësimin e tyre mbi të drejtat, është mbajtur në Pedonalen e Tiranës e do vazhdojë edhe për pak ditë. Fotot thonë se shprehin më shumë se një mijë fjalë, ndaj mes disa veprash, kjo nismë e re arti e cila synon të rrisë ndërgjegjësimin mbi autonominë trupore, barazinë gjinore, dhunën dhe diskriminimin me bazë gjinore. Krijimet e artistëve të rinj mbi autonominë e trupit u ekspozuan në 3 qytete të Shqipërisë, Korçë, Shkodër, dhe Tiranë si pjesë e nismës #trupiimedrejtaime.
Në kuadër të nismës “Trupi im e drejta ime”, u realizuan dy workshop-e për artistët e rinj në fushën e fotografisë dhe ilustrimit dhe pas informimit e njohurive që morën sollën në jetë përceptimin e tyre në lidhje me autonominë e trupit dhe diskriminimin gjinor.
Në total janë 20 vepra të realizuara, 10 nga zhanri i fotografisë dhe 10 nga zhanri i ilustrimit. Ato ndodhen në pedonalen e Tiranës deri me datë 10 dhjetor.
Kjo nismë realizohet nga UNFPA Albania në partneritet me UN Women Albania dhe mbështetje të qeverisë suedeze. Koordinuar nga agjensia RedCloud./revistawho.com
