Hande Erçel është vërtet një nga aktoret më të talentuara turke, ka fituar shumë çmime për rolet e saj e është shpallur aktorja më e bukur, por duket se paska dhe një talent të fshehur. Ajo i ka habitur të gjithë më postimin e fundit në Instastory ku shfaqet në një studio muzikore, me kufjet në vesh, teksa shkruan se është shumë e emocionuar. Kaq është dashur dhe mediat turke e fansat në rrjete sociale po aludojnë se Hande do publikojë ndonjë këngë. Kjo do të ishte hera e parë që aktoren do ta shihnim si këngëtare, por mbetet për t’u parë çfarë surprize po na rezervon ajo.
