Të veshura bukur, të kuruara në detaje nga flokët tek makeupi, duke darkuar në një restorant luksoz, kështu u shfaqën Beatrix dhe Anxhelina nga pushimet e tyre të dyta pas kthimit nga Dubai. Çdo gjë duket perfekt në galerinë e fotove të postuara, por ajo që na tërhoqi vëmendjen është një foto ku vajzat tregojnë ç’kishin veshur nga këmbët. Jo, nuk janë këpucë me takë, siç do të kishim vepruar shumica në një ambient të tillë e me fustane të këtij lloji. Beatrix dhe Anxhelina shfaqen të veshura me atlete dhe sapo na vërtetuan se të dukurit elegante nuk ka aspak të bëjë me këpucën në këtë rast. Elegante, sportive…dhe mbi të gjitha rehat. Ku ka më mirë se kaq!
