Detajet e reja nga gjyqi më i famshëm i momentit nxjerrin Amber Heard me çrregullime psikologjike

Dëshmia e fundit nga psikologe e ngarkuar për të analizuar sjelljet e çiftit të njohur, Amber Heard dhe Johnny Depp, i tha jurisë se aktorja vuan nga dy çrregullime të personalitetit dhe se gjendja e saj u përkeqësua pas ndarjes së hidhur të çiftit.
Psikologia klinike dhe mjekoligjore deklaroi se Heard ka tipare në përputhje me Çrregullimi i personalitetit të paqëndrueshëm emocional (BPD) dhe Çrregullimin e Personalitetit Histrionic (HPD) – dy gjendje që dallohen te njerëz me modele të paqëndrueshmërisë emocionale dhe sjelljes së vazhdueshme për të kërkuar vëmendje. BPD është një çrregullim i humorit dhe mënyrës se si një person ndërvepron me të tjerët dhe është çrregullimi më i njohur i personalitetit. Njerëzit me BPD shpesh janë të pasigurt për identitetin e tyre dhe për këtë arsye priren të ndryshojnë interesat dhe vlerat me shpejtësi. Ata gjithashtu priren t’i shohin gjërat në ekstrem dhe i ndryshojnë shpejt ndjenjat e tyre ndaj njerëzve.
Dr. Curry dëshmoi se u punësua nga avokatët e Depp për të shqyrtuar dosjet në betejën ligjore dhe për të identifikuar sjelljet në marrëdhëniet e tyre. Më tej ajo zbuloi se roli që kishte do të ndryshonte disa muaj më vonë, kur iu kërkua të jepte një vlerësim psikologjik të Heard.